Erresilientzia

Jexux Artetxe

Aurtengo urrian beteko da Estatutua erabaki zeneko berrogeigarren urteurrena. Urteetan, aberriaren izenean ari izan diren batzuei euskal naziotasunaren ukapena eta euskal lurraldearen partizioa zakarrela iruditu izan zitzaielako, oposiziorik gogorrena egin zioten. Lurrez, itsasoz eta airez, eta arma guztiak erabiliz, egindako erasoak amaigabeak izan dira.

Hala eta guztiz ere, gutxik ezezten dute gaur, lau hamarraldiko autonomia aroa emankorra izan denik. Ibarretxe lehendakariak esaten duen modura, Estatutuak gure esku jarritako ahalmenen bitartez, Europako herrialde aurreratuenen neurriko ‘giza garapen sostengarria’ lortu dugu. Eta, zentzu horretan, iritziz zeharo aldatu dute hasiera hartako ukatzaileek ere. Orain 40 urteko erabaki hura, txepelkeria umiliagarria bezala salatzetik Espainiako zentralkeriari irabazitako konkista gisa goraipatzera pasa dira. Nabarmena emandako ziaboga politikoa. Baina, ez dugu ukatu behar aurrerabidean jarri gaituen zuzenketa izan denik. Etorkizunari buruzko ikuspegi okerreko bide haren arabera gaizki egindakoa aitortzea falta bazaie ere.

Dena dela, Estatutuak aurkari boteretsuak izan ditu Madrilen ere. Gure burujabetze-prozesua alde guztietatik moteldu eta higatu nahi izan dutenak. Eskubikoak zein ezkerrekoak. Azken garaietan, indar eskubitarrak ari dira jarrerarik lotsagabeenak erakusten, gure autogobernuarentzat oso kaltegarria den norgehiagoka zentralista batean murgilduta. Espainiako Senatuan, egun hauetan onartu den ebazpena oso adierazgarria da.

Gure erabakimena babestu nahi badugu, ezin gara egingarriak ez diren ametsekin nahaspilatu. Aldiz, oraingo autonomia defendatzeko gai garela frogatu beharko dugu. Horrexegatik, hemen Euskal estatutua agortuta balego bezala hartu nahi dutenak jakin behar dute, han arau hori baliogabe utzi nahi dutenen joko berean ari direla. Presta gaitezen ondo, erresilientzia garaiak baitatoz.

3 thoughts on “0

  1. Egia da euskeraz egiten diran artikuluen aurrean komentario gutxi egiten ditugula. Artikulu argigarriak badira ere, hemen nahiago izaten dugu ika-mika antzuetan aritu.

    Baina, artikulu honek ez du lainoetako jardukiketarik biztu nahi.

    Bere laburtasun horretan ere, errealitate politikoa grabetzen ari den honetan, herrigintza estrategia zentzudun eta erangingarria nundik abiatu edo birsortu behar den markatzen du.

    Erresilienteak izan behar dugu. XIXgarren gerretako tarteetan egin genuen bezala, Primo de Riberaren diktaduraren aurrean aritu ginen bezala, frankismoaren azpian izan ginenean ere egin genuen gisara. Orain ere, erresilienteak izan behar dugu.

    Txikiak haundiari garaitzeko duen jokabide seguru bakarra hori delako.

    Oso ondo Jexux

  2. Konforme Markelek esandakoarekin (eta Artetxeren artikuluarekin).
    Gaineratuko nuke, erresilientzia ez da bakarrik defentsa modu bat, baizik eta eraikitze bat eraso peko garaian.
    Batetik, Artetxek esan bezala, aipatu eta goraipatu behar da estatutuaren lorpenen balio ideologikoa.
    Bestetik, ditugun baliabideak erabili behar dira gure herrian hori finkatua gertatu dadin eta garapenaren bultzagarri.

  3. Estatutuaren bidez egin dugun estatugintzak ekarri dizkigun onurak uka ezinak dira. Lortutakoa ezin dugu gutxietsi; dugunari eutsi, falta dena lortu eta ongi kudeatzeako dugun abileziak indartu eta justifikatuko du konpetentzia berrien eskaerak.
    Soka tira honetan batzuetan tira eta beste batzuetan eustea tokatzen da, momentu bakoitzean zer egin behar den zuzen erabakitzea inportantea da. Tiraka bakarri dabilenak onura baino kaltea ekartzeko aukera gehiago du.

    Dena den gure “segurtasun-uhala” herrigintzan dago, gizarte indartsu batek estatuaren erasoak saihesteko duen ahalmena gaindiezina da. Horra hor gure herri iraupenaren arrazoi nagusia.

Deja una respuesta

Tu dirección de correo electrónico no será publicada.

Previous post Xabier Arzalluz zendu da. Goian Bego.
Next post ¿Sabes como se financia tu comunidad?

Harpidetu blogera / Suscríbete al blog

Azken iruzkinak / Comentarios recientes

  1. Muy buen artículo. Y a la defensa del concepto la ciudadanía foral, por consustancialidad, añadiría yo, como se reivindicó en…

  2. https://www.berria.eus/paperekoa/1876/018/001/2022-09-13/historia-zintzo-eta-kontrastatu-baten-alde.htm Gremioko profesionalek erakundeei eskatzen diete zerbitzuko lanerako enplegatu ditzatela.

  3. Como en muchas facetas los vascos, en las fiestas, tenemos mejor gestión que discurso. Hay que trabajar los relatos, no…

  4. Ez ez da egia, hemen batzuek, zu ere tarteko noski, ez diogu, lagunen arteko gorabehera eta liskarrekin, auzolanean Euskadi eraikitzeari…

  5. Borroka egitea errentagarria gertatzen da,batibat,bat bakarrik danean borrokalaria,Hori da gure herrian gertatzen dana.Argi ta garbi esan dezagun.Urteak daramatzagu,"ezker abertzaleak","euskal komunistak"…

  6. Egoera gatazkatsuak sortzeko, batzuek, etengabe, jai-ekitaldi desberdinei aurre egiten diete. Konfrontazio estrategia bat da, eraso egiten den ekintza aitzakia bat…

  7. Ederra gero egindako zehaztapena. Historiagileak askotan, postibismoak itsututa, positibismotik kanpo ere geratzen dira euren historia-zientifismoaren osinean itololarrian. Ezinago ados artikulugileak…

  8. https://www.eitb.eus/es/noticias/sociedad/detalle/8949215/la-brecha-entre-dos-desfiles-de-nuevo-protagonista-del-alarde-de-hondarribia-tras-paron-por-pandemia/ Increíble forma que tiene EITB colonizada de batasunos de dar la noticia acerca del alarde de Hondarribia. Los niveles…

Harremanetan jarri / Contactar

Laguntzaileen artikuluak / Artículos por colaborador

StatCounter

wordpress visitor counter

Contact us

Total
0
Share