Pandoraren Aurrezki-Kutxa eta Bahitetxea

Ion Gazta帽aga

Azken egunotan, gure euskal aurrezki kutxei buruzko hainbat informazio jaso ditugu hedabideetan eta betiko irabazien hazkundeez gain, politika eta kutxen arteko erlazio nahasia oso argi pairatu dugu.

Vital Kutxari dagokionez, Rojo-ren berraukeraketa izan dugu, Vitaleko estatutuen aurkako ekintza delaren PPren oihupean eta PP-k justiziara eramango du aukeraketa hau. E. “Biturie” Gorospek bere blogean ongi adierazi bezala, benetan arraroa da ABB presidenteak sozialistekin berarentzat kargu bat negoziatzea, politikoki eta etikoki dituen zipriztinak kontuan edukita. Arabako egoera benetan kuriosoa da, orain arte, eta herrialde hartako EAJren esan politikoen aurka, sozialistekin behin eta berriro egin dute akordioa, bai Gasteizko udaletxean, bai batzarretan, bai Vitalen.

Kutxaren kasuan, orain dela denbora izan genuen Roman Suduperen kasua. Donostiako oposizioan egonda, Kutxako lehendakariorde zen eta GBBk bere karguan ez berritzea erabaki zuen, bertan GBBko kide zen Jon Jauregi ospetsua jartzeko. Azken egunotan, berriz, Etxepareren ordezkoa prestatzen ari omen da Gipuzkoako EAJ, lehendakariaren aholkulari ekonomiko eta Kutxako lehendakariorde bigarrena denarekin. Izendapena EBrekin negoziatu dutela agertu da prentsan eta han bertan irakurri dugu EA ez dagoela ados erabakiarekin eta Etxepareren aldeko apostu egingo duela. PSEk, bere aldetik, Kutxako egoera aldatzeko intentzioa du. Esanguratsuak izan ziren Miguel Buenek foru hauteskundeen ondoren Kutxako hauteskundeei buruz esandako “Ah铆 os espero” esaldia, ezta?

BBK-k berritu du bere gobernua eta bertan Iralaz gain, BBBko burukide bat eta Erandioko alkatea jarri ditu kontseiluan. Ekonomilari apartak izango dira, dudarik gabe. Nola ez, PSEk ere bere lekua eskatu du BBK erakundean eta ukatu ezkero fusioa geldiaraziko duelaren mehatxupean.

Nahaste-borraste hau nahikoa ez bazen, atzo Maiorga Ramirezek bere burua aurkeztu zuen Nafarroako Kutxarako hautagai bezala, Nafarroa Baiko kideekin adostu gabe, koalizioak hautagairik adostu gabe epea amaitzear zegoelako. Nafarroa Baik postua galtzeko arriskua zegoenez Maiorgak egundoko sakrifizioa eskaini dio nafar gizarteari.

Hain da xumea politikaren eta kutxen arteko lerroa zein alderdikide soilak eta herritarrok sekulako zirko eta espektakuluak pairatu behar ditugula eta kutxekin lotuta, kutxek hainbat enpresatan jartzen dituzten kontseilari eta bestelako karguak, gizarte ekintzarekin lotutako karguak, fundazioak eta hainbat erakunde. Hemen badirudi ez dagoela ez bandorik, ez ideologia desberdinatasunik ez alderdi artean ez alderdien barruan ere. Eskertzekoa da bai herritarren beharrak konpontzeko hainbeste politikari kutxetan sartu nahi izana, bai jauna.

Azkenean fusioa ona edo txarra al da? Subiranotasun materialean sinesten dugunok, euskal industria, telekomunikazio, garraio, banaketa, teknologi enpresa indartsuak sortu behar direla pentsatzen dugu. Euskal lurraldeetan barna zabaldu eta batasun funtzionala, elkarlankidetza ekonomikoa eta horren ondorioz fluxu sozial eta politikoak bultzatuko dituela pentsatzen dugulako. Eta eskema horretan oso onuragarria izan daiteke euskal kutxa indartsu bat sortzea, gure enpresa eta kooperatiba handiak euskal lurraldeetan mantendu eta euskal lurraldeetan barna zabaltzeko.

Hau izango al da egungo politikariek kutxen fusioarekin edo fusiorik gabe nahi dutena? Esperientziak argi adierazi digu ezetz, eta nahiago izan dutela bakoitzak bere taifa erreinuetako postuak mantentzea. Postu horiek arriskuan egoteak geldiarazi ote du kutxen batasuna aurreko urteetan, kutxa guztiak abertzaletasunak zuzentzen zituenean?

Kutxen fusioak Pandoraren kutxaren antza gehiago du egunez egun egungo politikagintza badakusagu. Nire galdera sinplea da. Zer egingo dugu kutxak bateratzean hain aulki gutxi eta hainbeste ipurdi handirekin?

4 thoughts on “0

  1. Niri halaxe esan didate, Gazta帽agak komentatzen duena, PNV eta EAko hainbat politikoek muzin egiten diotela fusioari hain zuzen beren taifetan erregetxo jarraitzeagatik. Eta noski orain dagoen anabasa kontuan hartuta, are urrunago dakusagu fusioaren eguna. Eta, jakina, abertzale ikuspegitik hau desastre hutsa da, “eraikuntza nazionala”z ahoa bete hortz gertatzen ohi diren askok zokoratu baitute horrelako gai bat, kontsulta eta halamoduzko balizko intxaurrei begira. Ion, artikulu oso ona, gai garrantzitsua baita. Ea noiz gauza garen abertzaleok gai honi benetan adarretatik heltzeko.

  2. Eztakit zeatik harritzen zeaten kutxako asuntoarekin, beti izan da modu hortan. Bestela zeatik dau Alkain Obra sozialeko jefe bezela, ona dalako edo egibarista dalako? Egibarrek HBkoekin negoziatukou Txato jartzea eta listo. Sin poltrona no hay paraiso.

  3. Fusioa? Donostiar bat bilbora badoa eta han BBK batean kutxako txartel batekin dirua ateratzen badu, komisioa kobratuko diote. Jode, hori ezin izan badute oraindik konpondu, seguro fusioa 2078 arte egin gabe egongo dela. Dena Euskadiren izenean.

  4. Blog honetan ez ditugu eraso pertsonalak oso gustoko. Alkain berari esan diezaiokezu esan behar diozuna.

    Eskertuko nizuke gai pertsonaletatik kanpo euskal kutxek dituzten arazoetan zentratuko bazina. Eskerrik asko.

Deja una respuesta

Tu direcci贸n de correo electr贸nico no ser谩 publicada.

Previous post 驴Qu茅 hacer con el independentismo?
Next post Gaia-Tema: Mozioak Udaletxe guztietan? / 驴Mociones en todos los ayuntamientos?

Harpidetu blogera / Suscr铆bete al blog

Azken iruzkinak / Comentarios recientes

  1. Muy buen art铆culo. Y a la defensa del concepto la ciudadan铆a foral, por consustancialidad, a帽adir铆a yo, como se reivindic贸 en…

  2. https://www.berria.eus/paperekoa/1876/018/001/2022-09-13/historia-zintzo-eta-kontrastatu-baten-alde.htm Gremioko profesionalek erakundeei eskatzen diete zerbitzuko lanerako enplegatu ditzatela.

  3. Como en muchas facetas los vascos, en las fiestas, tenemos mejor gesti贸n que discurso. Hay que trabajar los relatos, no…

  4. Ez ez da egia, hemen batzuek, zu ere tarteko noski, ez diogu, lagunen arteko gorabehera eta liskarrekin, auzolanean Euskadi eraikitzeari…

  5. Borroka egitea errentagarria gertatzen da,batibat,bat bakarrik danean borrokalaria,Hori da gure herrian gertatzen dana.Argi ta garbi esan dezagun.Urteak daramatzagu,"ezker abertzaleak","euskal komunistak"…

  6. Egoera gatazkatsuak sortzeko, batzuek, etengabe, jai-ekitaldi desberdinei aurre egiten diete. Konfrontazio estrategia bat da, eraso egiten den ekintza aitzakia bat…

  7. Ederra gero egindako zehaztapena. Historiagileak askotan, postibismoak itsututa, positibismotik kanpo ere geratzen dira euren historia-zientifismoaren osinean itololarrian. Ezinago ados artikulugileak…

  8. https://www.eitb.eus/es/noticias/sociedad/detalle/8949215/la-brecha-entre-dos-desfiles-de-nuevo-protagonista-del-alarde-de-hondarribia-tras-paron-por-pandemia/ Incre铆ble forma que tiene EITB colonizada de batasunos de dar la noticia acerca del alarde de Hondarribia. Los niveles…

Harremanetan jarri / Contactar

Laguntzaileen artikuluak / Art铆culos por colaborador

StatCounter

wordpress visitor counter

Contact us

Total
0
Share