Mugaz gaindiko prentsa abertzale bat noiz?

Iñigo Lizari

Diario Vasco-k eta Sud Ouest egunkariek egin duten akordiarekin erlazionatuta dago nire galdera hau, eurek elkarren artean aldizkako ale bat ateratzen baitute SF Sin Frontieras-Sans Frontières izenarekin. Beste egunkari batzuk, Gara edo Berria kasu, “Euskal Herria” izenburuko atalean iparraldeari buruzko berri bat edo beste ekartzen dute, baina hau al da mugaz gaindiko, eta batez ere muga gainditzeko modua?

Lotsa, eta batez ere amorrua sor arazten dit, euskal abertzale bezala, eurek, alegia, espainiar eta frantses estatuen nazionalismoa defendatzen duten hauek, gu aurreratu izana ekimen honekin. Batez ere, bi egunkari hauek duten arrakasta kontuan hartuta, “mugaz gaindiko” ekimenek horrelako bi mundu ezberdinen arteko erlazioa irudikatzen badute.

Bi egunkari hauek bi aldeko euskaldun bezala ez gaituzte inola ere ez erretratatzen, elkar topatzen duten bi nazio desberdineko jendea bezala baizik: Espainolak eta Frantsesak. Guk ordea, alde bateko eta bestean errealitate amankomuna dagoela uste dugulako, euskalduntasuna, ez dugu elkarren berririk edukitzeko beharra izaten, aldez aurretik elkarrengandik dakigunarekin aski zaigula. A zer astakeria besteek egiten dutena, eta era berean a zer astakeria guk egiten duguna!

Euskaldunak errealitate nahasi batean bizi gara, hala bizi arazi gaituztelako. Baina nahasketa existitzen dela ez onartzeak, ipar euskal herrian eta hego euskal herrian nahasketak desberdinak direla ez jabetzeak, guganako besteen jabetza areagotu egiten du.

Ipar euskal herriko jendeak zer nolako errealitate instituzional nahiz ekonomikoan bizi diren ez ezagutzeak haiengatik urrundu egiten gaitu eta haiek bere bakardadean itotzeko aukerak handitu egiten ditu. Beraiei  hegoaldean ze aukerak dauzkaten ez azaltzeak guganako kidetasunik ez du sortzen. Sareak behar ditugu sortu, eta elkarren arteko erreferentziak izan daitezkeen elementuak batez ere.

Elkarren eguneroko gai sozialak, nahiz politikoak, nahiz ekonomikoak, nahiz kulturalak ukitzen dituen mugaz gaindiko prentsa abertzale plural baten beharra dugu, gaur egungo Europan euskaldun bezala bizi egiten jarraitzeko aukeren berri emateko, hego eta iparraldea elkar topatuz gure artean aberastasuna sor dezakeena.

Askotan pentsatzen dut gure muga momentu honetan mentala dela, eta beraz momentu honetan dugun muga bakarra gure borondatea dela. Eta seguruaski muga mentala muga fisikoa baina mugatzailegoa da euskal herrigintzarako.

One thought on “0

  1. urte asko dira, abertzaleok herri hau lideratzeko betekizuna alboratu dugula. Errealitatea gailenduko zaigu, joera aldatzen ez badugu.

Leave a Reply

Previous post El cambio que necesita Euskal Herria (I)
Next post Aldaketa Euskadiko PPan/Relevo en el PP vasco

Harpidetu blogera / Suscríbete al blog

Azken iruzkinak / Comentarios recientes

Harremanetan jarri / Contactar

Laguntzaileen artikuluak / Artículos por colaborador

Agiritegia / Archivo

StatCounter

wordpress visitor counter
2008(e)ko ekaina
A A A O O L I
 1
2345678
9101112131415
16171819202122
23242526272829
30  

Contact us

%d bloggers like this: